Urs e Razvi Aur Hamari Zimmedaari

🏁🔴🏁🔴🏁🔴🏁🔴🏁🔴

*🥀 Urs e Razvi Aur Hamari Zimmedaari 🥀*

✏️Maahe Safar Ul Muzaffar Mein Ham Jis Azeem Shakhsiyat Ko Khaastaur Se Yaad Karte Hain Wo Imam e Ahle Sunnat Mujaddid e Deen o Millat Sayyedi Sarkar Aalahazrat Imam Ahmad Raza Khan Fazile Bareilvi Ki Zaate Ba Barkat Hai.

Markaze Ahle Sunnat Bareilly Shareef Se Is Saal ke Urs Ka Poster Kuch Din Qabl Jaari Ho Chuka Hai, Is Saal Covid-19 Ki Wajah Se Ham Ramzan ul Mubarak Mein Bhi Masjidon Se Door Rahe Aur Haj Jaisi Azeem Ibadat Mein Bhi Mukhasar Tadad mein Hujjaj Ne Shirkat Farmaai. Urs e Razvi Ko Bhi Covid-19 Ki Ethiyaati Tadabeer Par Amal Karte Huye Manane Ka Ailan Kiya Gaya Hai.

✏️Mulk Ke Maujooda Haalaat Kisi Se Posheeda Nahin Hain, Maujooda Haalaat Ke Peshe Nazar Guzishta Saalon Ki Tarah Imsaal Urs e Razvi Ki Wo Baharein , Wo Insaani Sailaab Dikhna Mumkin Nazar Nahin Aata

*Ab Aise Haalaat Mein Ham Urs e Razvi Kis Tarah Manayen ?:*

✏️Khaastaur Se Ham Apne Un Bhaiyon se Mukhatib Hain jo Haar Saal Urs e Razvi Mein Shirkat karte They. Aap Jo Raqam Urs Mein Aane jaane, Nazr o Niyaz, Chadar, Urs ki Khareedari Wagaira Mein Kharch Karte They Use Is baar Sakrar Aalahazrat Ke Isaale Sawab Ki Niyat se Apne Mohalle, Basti, Gaon, Shahar Ke Gareeb, Zarooratmand Logon Par Kharch Karein. Lockdown Ki Wajah Se Beshumaar Logon Ki Naukriyan Chali Gain, Kitnon Ke Kaarobaar Band Ho Gaye Hain. Aap Apne Ilaqon Mein Aise Logon Ko Dekhen Kiske Yahan Khane Ko Paise Nahin Hain, Kiska Ilaaj Nahin Ho Pa Raha Hai, Kitne Bachche Fees Ada Na Ho Paane Ki Wajah Se Parh Nahin Pa Rahe Hain, Kaun Qarz Ki Adaygi Nahin Kar Pa Raha Hai, Unki Madad Karein. In Sha Allah Aapke Is Amal Se Aalahazrat Ki Rooh Aapse Khush Hogi.

2. Bareilly Shareef Aur Uske Aas Paas Ki Wo Tanzeemein Jo Har Saal Urs e Razvi Mein Mehmanan e Raza Ke Liye Langar kartin Hain, Paani-Chaaye Ki Sabeel Lagati Hain, Mehmanon Ke Thaharne Ka Intezam Karti Hain, Wo Tanzeemein Is Baar Sirf Ahle Khair Hazraat Jinko Allah Ne Daulat Se Nawaza Hai, Se Chanda Karke (Gareebon Se Hargiz Nahin) Us Raqam Ko Mustahiqeen Tak Pahunchayen Iske Alawa Aise Madaris Aur Masajid Jahan Paison Ki Zaroorat Hai Wahan Kharch Karein.

*Shayad Ke Utar Jaaye Tere Dil Mein Meri Baat...!*

Allah Ta'ala Ham Sabko Kehne Se Ziada Amal Ki Taufeeq Ata Farmaaye.

👑👑👑👑👑👑👑👑👑👑

*🏁 MASLAKE AALA HAZRAT 🔴*